今日净系讲一个字:掂

音同“店”,用手指或手触摸。
“喺医院唔好周围掂啊,好多细菌噶!”
“你唔好掂我!”
呢个“掂”大家都好清楚佢嘅意思同用法,所以今日重点讲另一个读音,另一个意思嘅“掂”!

广州每逢过年过节,都会互相祝福。而呢个时候
“掂” 应该都算系出现的比较多嘅一个字。
如:
“新年好!恭喜发财!”
“你都一样,掂过碌蔗 !”
或:
“老窦,六十大寿,祝你年年有今日!”
“承你贵言!你都一日掂过一日 !”
此处“掂”意为“顺利、妥当”。
“掂” 系一个古老嘅方言词,连各种汉语古籍都冇记载,最早嘅文字记录系19世纪初来华嘅英国传教士罗伯特·马礼 逊 编纂嘅《广东省土话字汇》 ,“掂”喺里面嘅解释系“直” 。
旧时直线叫“掂线”,直路叫“掂路”;
横竖叫“横掂”,如“横掂都系啦,死就死啦!”

知道咗“掂”嘅本意以后,大家都应该知道“掂过碌蔗”嘅意思,蔗本身就直,比蔗更加直,寓意
“发展得顺顺利利” !

喺广州话里头,“掂”即系
“顺利、妥当” 嘅意思,同原意有出入,“掂”点样从“直”引申到“顺利”无从考究,但系
词义嘅变化,确实令原本唔少嘅词语改变,甚至消失。
如:
虽然有改变,都有消失,不过有一啲旧俗语反而就更加生动!
如:

旧时称驼背嘅人叫做“亚驼”,而虾米正好又系“弯住腰”,所以亚驼同虾米,大家都唔掂(直),后来引申为
“惹到事,大家都麻烦。”


大虾就算跳落海,贴近海底,腰始终都唔掂(直)。后来引申为
“经过努力,但始终唔成功。”
最后做一条题
“新嘅一年祝大家身体健康、财源广进、掂过碌蔗…(未尽兴)…横掂(1)都系了,再祝范范都掂(2)!掂(3)边范,就边范掂”
题目里面三个“掂”分别系咩意思?
知道答案嘅自己友,
喺评论区回复编号同答案,
睇下你啲广州话掂唔掂!
版权声明:本文内容由互联网用户自发贡献,该文观点仅代表作者本人。本站仅提供信息存储空间服务,不拥有所有权,不承担相关法律责任。如发现本站有涉嫌抄袭侵权/违法违规的内容, 请发送邮件至 1543690857@qq.com 举报,一经查实,本站将立刻删除。